ديتوكس العادات: سر الجمال والصحة من الداخل

كلنا سمعنا عن الديتوكس للأكل أو العصائر اللي ينظف الجسم من السموم ويخلي البشرة صافية. لكن في سر أكبر وأهم أحيانًا اللي محتاج ديتوكس مش جسمك بس، لكن كمان حياتك وعاداتك اليومية.

العادات السلبية بتسرق طاقتك بتأثر على بشرتك وشعرك، وبتخليكي تحسي إنك مرهقة حتى لو ما عملتيش مجهود علشان كده النهاردة هنتكلم عن ديتوكس العادات تنظيف حياتك من كل شيء سام زي ما بتعملي ماسك تنظيف لبشرتك.

1- ديتوكس النوم

النوم المتأخر والسهر ساعات طويلة مش بس بيخليكي تعبانة، لكنه كمان يبوّز بشرتك، يزود الهالات السوداء ويضعف مناعتك.

الحل:

حاولي تنامي بدري ساعة عن المعتاد.

اعملي روتين نوم مريح كوب مشروب دافئ + إضاءة هادية + موبايل بعيد.

هتتفاجئي إزاي وشك هيبقى أنور وذهنك أصفى.

2- ديتوكس للهاتف

إدمان الموبايل قبل النوم بيعمل توتر، بيأثر على هرمونات النوم، ويخليكي تصحي مرهقة.

الحل:

نص ساعة قبل النوم من غير موبايل أو شاشات.

استبدليها بكتاب خفيف موسيقى هادية، أو دعاء وتأمل.

هتنامي أسرع وهتحسي ببشرة أهدى ونوم أعمق.

3 ديتوكس للأكل

السكر المقليات، والكافيين الزائد بيسببوا انتفاخ، بهتان في البشرة، وتعب في القولون.

الحل:

قللي المشروبات الغازية والسكر الأبيض.

زودي الخضار الفاكهة والمية.

حاولي يومين بالأسبوع تخلي أكلك أخف (سلطات شوربة بروتين مشوي) 

-4- ديتوكس للمحيط

فيه ناس حوالينا بتاخد من طاقتنا أكثر ما تدي، وبتسبب توتر من غير ما نحس

الحل:

قللي وقتك مع الأشخاص السلبيين.

قربي من اللي بيشجعوكي ويدعموكي.

خلي لنفسك وقت هادي مع كتاب أو هواية بتحبيها.

5 ديتوكس للفكر

الكلمات اللي بنقولها لنفسنا بتترجم على شكلنا وصحتنا. “أنا كبرت تعبانة مش قادرة” كلمات بتسرق حيويتك.

الحل:

استبدليها بـ “أنا أقدر أنا لسه قوية، أنا شكلي حلو”.

جربي تكتبي 3 حاجات إيجابية عن نفسك كل يوم.

هتحسي فرق كبير في ثقتك بنفسك ونظرة الناس ليكي.

الخاتمة

ديتوكس العادات مش ،رفاهية، هو سر الجمال الحقيقي. زي ما بشرتك محتاجة ماسك تنظيف حياتك كمان محتاجة “ماسك تنقية”.

ابدئي بخطوات صغيرة ساعة نوم بدري، نص ساعة من غیر موبایل، تقليل سكر وقت مع ناس إيجابيين وكلمات حب لنفسك.

وقتها هتكتشفي إنك مش بس أجمل، لكن كمان أقوى وأسعد.