هذا جناه أبي علي

وأنا صغيرة ٣-٤ سنين كده

الراهبة بتاعة الحضانة بتاعتي 

قررت إن أنا سمباتيك 

وأقدامي وقعدتي ومشيتي

تدي على باليرينا، 

“امنعوا الضحك”

عيب داه باليه.. 

اظن وقتها إني بدأت

أحلم إني بقيت

الباليرينة نوها

ياه حاجه كده 

شنه ورنه وحكاية..

قوم إيه الراهبة قالت للماما

إنها حتدربني على البالية

قوم الماما شدت للبابا تلغراف

في ألمانيا الغربية

 “كانوا وقتها اتنين ألمانيا”

اعلمته بالأحداث الجارية.. 

قوم البابا بعت للماما 

تلغراف شديد اللهجة

إنها لو فكرت ترقصني

يبقى تقعدني في البيت

وبناقص حياة دراسية.. 

ليه كده يا آبا؟؟؟

مش كان زمان بنتك

راقصة مصر الأولى

ومع العاهات والأمراض

المستعصية الحالية دي 

كان زماني بتعالج

على نفقة الدولة البهية!!