نكون ظهرك في رمضان
بقلم الكاتبة/ نهى عاصم
يا بركة رمضان
والخير في قلوب الناس
بيجمعنا..
وإيد مع إيد مع إيد بتسندنا
نكون ظهرك في رمضان
داه أصله شهر لمتنا..
ميهمكش حتاكل إيه؟
تشيل هم فطارك ليه؟
داه أحلى حاجه
نتجمع معاك
في رمضان وتحلى لقمتنا..
بتسألني ادفع كام؟
جنيه على جنيه على جنيه دي بركتنا
والخير بيزيد صدقني
داه مش كلامي
داه كلام ربك
الخير بيتضاعف
ونلاقي في الجنة
جبال حسناتنا..
دي بركة رمضان
والخير في قلوب الناس
بيجمعنا
وايد مع ايد بتسندنا
نكون ظهرك في رمضان
داه أصله شهر لمتنا..