مالاقيتش وقت يناسبك يا بيبي

 قالت له وهما يشربان القهوة في يوم العطلة، بعد عودته من الكافيه وجلوسه مع أصدقائه لساعات – “يعني مش مطحون في الشغل يا كبد أمه” أيوه أمه هي اسمها كده في اللغة بتاعتنا للي مش عاجبه اللفظ”:

-النهارده حصلت حاجه صعبه اوي يا بيبي..

نظر اليها شذرًا وقال: 

-خير ما هو انتي مبيجيش من وراكي إلا الأخبار الصعبة..

ملحوظه: “هو لسه داخل مصحيها من عز نومها وللمره التانيه يلطمها بخبر موت اعز الناس لها وتصحى في حالة صدمة”..

قالت : 

-الكهربا علت اوي اوي وفي نانو ثانية مش فمتو حتى، وطيت اوي جدًا خالص، فالغسالة والتلاجة والكمبيوتر فيهم حاجه غلط..

قام الزوج ساخطًا وقال:

-إف هو انا مفروض اقعد اسمع كلامك اللي يخنق داه؟ انا قايم نازل رايح لماما وابقي اختاري الاوقات الصح يا هانم للشكوى…

عاد الزوج في المساء وطلب بطيخ فجاءت له الزوجة صامتة بطبق بطيخ شبه ساخن وهي تعد صامتة: 

-ادي واحده “ليلتك فل يا زوجي العزيز”..

ثم جلس إلى الكمبيوتر محاولًا تشغيله، فلم يفتح فزمجر معلنًا غضبه ودخل لينام..

“كده اتنين”..

وبعد يومين ظل يبحث عن قمصان العمل فوجدهم في سلة الغسيل المتسخ فصرخ في زوجته كيف يذهب إلى العمل؟ فنظرت إليه ببراءة وقالت: ما الغسالة بايظه ما انت عارف من يومين..

فقال : وما فكرتنيش ليه ؟

نظرت إليه ولسان حالها يردد متشفيًا: 

“كده تلاته بالشفا”

 وقالت: ملاقيتش وقت يناسبك يا بيبي!!